మూడు డజన్ల ముచ్చట

ఇంధనమో, కందెనలో లేనిదే
కాలం ఇరుసు కదలని రోజుల్లో..
కలకాలపు కాలానికి
కలికాలపు కాలానికి

కలల రంగులద్దాలని
మెరుపు హంగులివ్వాలని
అదనుకోసం ఎదురు చూసే అల్పసంతోషాలు.

చిల్లర వ్యాపారానికై
చెల్లని పనులు చేస్తూ వస్తున్న
అల్లరి భూతాలోకవైపు .
నల్లధనాన్ని నెమరేసుకుంటూ
బల్లక్రింది బురదనుంచీ
చేతులు బయటకు తీయని
వింత పశువులోక వైపూ

కంచెలే చేనును మేస్తుంటే
పురుగు మందులు జనం గొంతుల్లో
దిగుతున్న రోజుల్లో

అంకెల గారడీలకు మురిసిపోతూ
రంగుల కలలు కనే
మన మూడు డజన్ల సంతోషాలని
ఆరు కాలాల పాటు నిలబెట్టుకోవాలని ఆశిద్దాం

♥ 12 - 12 - 12
12:12:12

http://www.facebook.com/groups/kavisangamam/permalink/481483488571075/