మిత్రులకు నమస్తే... బ్లాగులోకి సాదర స్వాగతం... ఇవి నాకు నచ్చినవి, నేను రాసినవీనూ.. మీ అభిప్రాయాన్ని చెపితే సంతోషిస్తాను

Sunday, 10 February 2013

మాటల మాంత్రికులు

నిండుతనాన్ని నింపుకుని

రంగురంగులను చిమ్మె సభాకార్యక్రమాలలో

ప్రదర్శనకూ ప్రదర్శనకూ మధ్య ఖాళీలను నింపేదెవరు ?

గడ్డకట్టుకున్న మంచుముద్దలను (breaking the Ice) బద్దలు కొట్టేదెవరు ?

భోజనానికి ముందు సూపులా కార్యక్రమంపై ఆకలిని పెంచేదెవరు ?

పూర్తయిన పనికి చప్పట్లను అడిగిమరీ కురిపించేదెవరు ?

గడబిడలనూ, తడబాట్లనూ కనబడకుండా దాచేదెవరు ?

నిజానికి

అన్ని అందమైన రంగురంగు పూవుల కార్యక్రమాలను

దారమై ఒక క్రమంలో పేర్చి, కూర్చి అలంకరించేదెవరు ?

పరుగులు పెడుతూ మనసుల మద్య, మనుషుల మద్య ప్రవహించేదెవరు?

ఎవరు ఇంకెవరు..

మాటల కోటలను, బీటలు వారకుండా నిర్మిస్తూ,

ఆ సౌధాల సౌఖ్యాలను అందజేసేవారు మాంత్రికులు

నిజంగా మాటల మాంత్రికులు.

ఫేస్ బుక్

Tweets

లంకెలు