మిత్రులకు నమస్తే... బ్లాగులోకి సాదర స్వాగతం... ఇవి నాకు నచ్చినవి, నేను రాసినవీనూ.. మీ అభిప్రాయాన్ని చెపితే సంతోషిస్తాను

Friday, 22 February 2013

రంగులద్దకం

ఉగ్రవాదానికి ఏ రంగు అద్దాలి ?అదో కారు చీకటి.
దేన్నయినా అమాంతం మింగేస్తుంటే.
చీకటిలో వుంటూ, చీకటినే మిగిల్చి
చీకటై విస్తరిస్తుంది.

విధ్వంసానికి ఏ రూపు తోడగాలి?
ధ్వంస రచనే తన పనిగా మారినపుడు.
నిర్మించటం రాని చోట, కూల్చడమే ప్రధానంగా నడుస్తున్నపుడు.
ఉద్వేగానికి ఏ సిద్ధాంతం ఆపాదించాలి?
నిభాయించుకోలేని తనం
దబాయింపులతో గడుపుతున్నపుడు.

నడక ఆగిపోకూడదంటే
కాస్త వెలుతురు సంయమనమై పరుకోవాలి.
కొంచెం ధైర్యం నిర్మాణమై తలెత్తాలి.
పడగెత్తిన పశుబలాన్ని
పడదొక్కె పాదం అడుగెత్తాలి.

ఫేస్ బుక్

Tweets

లంకెలు