మిత్రులకు నమస్తే... బ్లాగులోకి సాదర స్వాగతం... ఇవి నాకు నచ్చినవి, నేను రాసినవీనూ.. మీ అభిప్రాయాన్ని చెపితే సంతోషిస్తాను

Saturday, 18 May 2013

నందనుడు

కళ్ళముందు ఒక ఆశ్చర్యం తనే స్వయంగా భుజాలపై చేతులేసి నిలుచుంటే,
తేరుకోవడానికి చాలా సమయం పడుతుంది.
బాల్యం వాసనలు వీడని ఓ కలం నుంచి,
అమృతం కురుస్తుంటే తడిసే మనసుకు తట్టేదేమీ వుండదు.
నందూ ఒక ఆప్యాయతల సమీరం.
నందూ పదాలతో నిండిన ఓ నిఘంటువు.
ప్రవహించినా లయతప్పని బావ ప్రవాహం.
యాసలోకి వెళ్లినా,భాషని చిత్రిక పట్టినా తప్పటడుగు లేని నిర్భీతినడక.
ఓక్క అవకాశం తలుపు తడితే బావుండు మూసుకున్న జీవితానికి వెలుతురు తగిలేందుకు
తలే లేని తనాలకు కిరీటాలు తొడిగే ఈ రోజుల్లో
తలెత్తుకునే తిరిగే ఆధారం అందింతే బావుండు.
ఒక సానబట్టని వజ్రం ముడిపదార్ధంగానే మిగలకుండా సమాజపు ఒడిలో చేరితే బావుండు.
ట్రావెన్ కోర్ సంపదలు ముందుగానే కనిపించాయి.
ప్రపంచానికి అలారం మోగితే ఆరోగదికి తాళమేసేస్తారేమో
పిట్టకు రెక్కలొస్తే నాక్కూడా దూరంగా ఎగిరిపోతుందేమో మిణుకు మిణుకు మంటుంది భయం.
అయినా పిట్టలెప్పుడూ అనంతమైన ఆకాశంలో స్వేచ్ఛగా ఎగరాల్సిందే అన్న
నిశ్చయం ముందు అదిదిగదుడుపే.
తెలుగుకీ, తెగువకీ, తెలివికీ తలమానికమవ్వాలని కోరుకుంటూ...

ఫేస్ బుక్

Tweets

లంకెలు