||అబూ బెన్ ఆదాం ౹౹

అబూ బెన్ ఆదాం. ( నీలాంటోళ్లు ఇబ్బడి ముబ్బడవ్వాలరా భాయ్ )

పురసత్ గా పనుకున్నోడు కాస్తా రాత్రిల పూసిక్కిన లేచిండు.
పండు ఎన్నెల పడగ్గదిల పరుసుకొనుడు జూసిండు.
మల్లెలపై మంచు మెరిసినట్లు జిగేలనటం జూసిండు.
బంగారు ఫుస్కమ్ ల దేవకన్య రాసుకోనుడు జుస్తే ధైర్నం పెరిగి
"ఏం రాస్తున్నవ్ అక్క దాన్ల" అని సొంచాయించిండు.
ఆరామ్ గా తలెత్తి కమ్మని గొంతుతో సెప్పింది కదా.
" దేవున్ని ఇష్ట పడేటోళ్ల పేర్లు రాస్తన్న తమ్మి" అని
" మరి నా పేరు ఉన్నదేమో సూడ్రాదే" వుండబట్టలేక ఆడిగిండు.
లిష్టంతా జూసి కరుగ్గా సెప్పింది అబ్బే దీన్లో లేత్తియ్,
కొంచెం గొంతు తగ్గించినా జబర్దస్త్ గా ఏమన్నడంటే " గట్లయితే.... నా పేరు ఆయన జమానా లోని మనుషుల్ని ప్రేమించే చిట్టాలో నన్న రాయరాదే" గీమాలిండు.
సర్లేపో అని రాసి గబాల్న మాయమయ్యింది.

తర్వాతి రాత్రి జిగేల్మనే ఎలుగుల్ల ఆ యక్క మల్లా వొచ్చింది.
దేవుడు ఎవర్ని ఇష్టంగా ప్రేమిస్తున్నడో ఆ చిట్టా సుతా దెచ్చింది.
దాంట్ల అబూ గాని పేరే ముంద్గల ముంద్గల రాసుంది.

English || Abou Ben Adhem ||
BY LEIGH HUNT
తెలంగాణ || అబూ బెన్ ఆదాం|| కట్టా శ్రీనివాస్


https://m.facebook.com/story.php?story_fbid=2570322566325579&id=100000435816359


కామెంట్‌లు

  1. మీ తెలుగు సేత అద్భుతంగా ఉంది. ఎప్పుడో చిన్నతరగతులలో ఇంగ్లీషు వాచకంలో చదువుకున్నది.

    రిప్లయితొలగించండి
  2. ఇంత మంచి పోస్ట్ పంచుకున్నందుకు ధన్యవాదాలు.
    Latest Telugu News
    Andhra Pradesh Telugu News

    రిప్లయితొలగించండి

కామెంట్‌ను పోస్ట్ చేయండి