ప్రతి మనిషీ
ఒక దీవి
లోని ప్రత్యేకతలోనూ
బయటి ప్రత్యక్షతలోనూ
తానోక దీవే
2
కలుస్తూ, కదులుతూ
పరిస్థితుల గాలిలో
దోబూచులాడే దీవులు.
3
ఒక్కోసారి గంభీరంగా
మరోసారి గుంభనంగా
ఇంకోసారి బేలతనంగా
వూగిసలాడే దీవులు.
4
అంతు చిక్కని శూన్యంలో ఊగుతూ
ఒక్కోసారి పైనున్నానని,
మరోసారి పడిపోయాననీ వగచే దీవులు.
5
ఒక్కొక్కటి కాదు కాలభైరవా,
నిన్ను వంద సడిగుండాలు ఒకేసారి చుట్టుముడతాయిరా ఒక్కోసారి.
నలుగుర్ని వడిలేసిన ఏకాంతమో
అందరూ వదిలేసిన ఒంటరి తనమో
ఎప్పుడూ నీతోనే మిగుల్చుకుంటే
నీవెంత సుడిగాడివైనా
ప్రతి సుడిగుండమూ, ఓ గండమై
గడగడ లాడిస్తుంది.
6
నలుగురితో జతపడాలంటే పిల్లోడా
మాటల వంతెన వాడాల్సిందేరా బుల్లోడా.
7
రాజమహల్
మాటల గదికి
నాగభందం పడిపోయిందా ?
లక లక లక...
కలివిడితనంతో బద్దలు కోట్టు
పిరికితనం జరజరా పారిపోతుంది.
8
నీకు నువ్వే
అపరిచితుడవు ఎన్నోసార్లు
రామానివో, రెమోవో, రాక్షసుడివో
వేళ్ళైనా విడివిడిగా వదలకు
వడిసి పడితేనే పిడికిలౌతుంది.
మనసు ముద్దను ద్వైతాల నుండీ
కలిపి చుడితేనే తళుకులీనుతుంది.
9
నిన్ను నీవే ఆవిష్కరించుకోకుంటే,
ప్రపంచం తన నిశ్శబ్దంతో బహిష్కరిస్తుంది.
ఎందుకంటే
అసలే నీవోక దీవివి.
http://www.facebook.com/groups/kavisangamam/permalink/432080716844686/
కామెంట్‌లు
కామెంట్‌ను పోస్ట్ చేయండి