లోతైన జీవితం

పెదవులపై పూసే నవ్వురేఖల వంపుని చూసి
ఆనందపు కొమ్మబిడ్డలని అంచనాకు రాకు


కన్నీళ్ళతో తడిసిన మాటల్ని పొదువుకుని
నిజాయితీ వర్షంపడుతోందని  గొడుగుపట్టబోకు


బోర్డులనిండా పేరై ప్రవహిస్తున్న వ్యక్తికి
దానగుణం ప్రతిరూపమని నమ్మేయకు


మతకబట్టచుట్టుకుంటే పేదమనసు బైతనీ
సూటులో చమక్కుమంటే పెద్దమడిసి బతుకనీ


నీతి సూత్రాలను నాలుకపై ఆడిస్తే యోగులనీ
అలవోకగ చరిస్తుంటే అసలేం ఎరుగని మందభాగ్యులనీ


హడావిడిగా అంచనాలకొచ్చేయకురా కట్టా
జీవితంలానే మనిషీ లోతేనని రాసుకో ఈ పూట.

kavi  Sri Modugu గారికి ధన్యవాదాలతో...