ఎరుక

నాకు ముందు నేనున్నాను.

నా తర్వాతా నేనుంటాను.

దారం ఉనికి తెలియనంత వరకూ

ప్రతిపూసా విడిననే మెలిపడుతుంది.

రెండో ఇన్నింగ్స్

సెకండ్ లైఫ్

ద్విదానో, బహుదానో

అవిచ్ఛిన్న విచ్ఛిత్తి

ఆత్మల ఉనికి కాదు.

జీవ ప్రవాహం గురించే అంటున్నాను.

నేను కానీ నేను

అనాదిగా ప్రవహించి నాదాక వచ్చాక.

నాదనుకునే నేను

నడక ప్రారంభించాను.

నానుంచి వచ్చిన వాళ్ళుకాదు.

నాగుండా ప్రవహించిన వాళ్ళిని తెలుసుకుంటాను.

చిన్నారి బుగ్గలు పుణికినప్పుడల్లా,

నాజ్ఞాపకాలతోనే నాకు వణుకు.

► 21-09-2013