మిత్రులకు నమస్తే... బ్లాగులోకి సాదర స్వాగతం... ఇవి నాకు నచ్చినవి, నేను రాసినవీనూ.. మీ అభిప్రాయాన్ని చెపితే సంతోషిస్తాను

Thursday, 10 May 2012

అంచులపై, హర్మ్యాలపై



ఒక అర్దరాత్రి

నా కవితలు నేనే చదువుకుంటూ

నా డైరీని నేనే పరిశీలిస్తూ

నిర్దాక్షిణ్యంగా వరుసలన్నీ కొట్టేసి

పేజీని చించేయబోయే ముందు




ఒక్కసారి

నన్నిష్టపడే వారి కళ్ళలోంచి

చూద్దామనిపిస్తుంది

పదిలంగా పేజీ మడతల్ని

మళ్ళీ సవరిస్తాను

కొట్టేసిన వరుసలలో భావాన్ని తవ్వుకుంటూ

పేలియాలజిస్టునో

ఆర్కియాలజిస్టునో

అయిపోతాను




మళ్ళీ మరో అర్దరాత్రిదాకా

పుస్తకాన్ని నెత్తిమీద మోస్తుంటాను.

ఫేస్ బుక్

Tweets

లంకెలు