మిత్రులకు నమస్తే... బ్లాగులోకి సాదర స్వాగతం... ఇవి నాకు నచ్చినవి, నేను రాసినవీనూ.. మీ అభిప్రాయాన్ని చెపితే సంతోషిస్తాను

Monday, 7 October 2013

అమ్మలాంటి మాట

వయసుకి చెల్లివో
వరుసకు బిడ్డవో
ఏమైనా అవుతావో, అసలేమీ కావో
అన్నం తినమన్న వేళ
నువ్వూ నా బిడ్డతో సమానమే అన్నావ్ చూడు.
ఆక్షణం నిజంగానే
అమ్మను గుర్తుకు తెచ్చావు.

విలువల తడితగలక
దాహంతో తిరుగుతున్నవేళ
మనసుని తడిపి
కళ్ళగుండా ప్రవహించావు.
నిర్మలమైన మనసులు
మన తరంలోనూ వున్నాయని
ప్రవాహంలో కొట్టుకుపోతున్నవేళ ఆధారంలా భరోసానిచ్చావు.
మళ్ళీ జన్మలుంటాయో లేదో కానీ
నీ కడుపున పుట్టినా తీరనంత రుణం మోపేస్తావు.

https://www.facebook.com/groups/kavisangamam/permalink/633038076748948/

ఫేస్ బుక్

Tweets

లంకెలు