రంగులద్దకం

ఉగ్రవాదానికి ఏ రంగు అద్దాలి ?అదో కారు చీకటి.
దేన్నయినా అమాంతం మింగేస్తుంటే.
చీకటిలో వుంటూ, చీకటినే మిగిల్చి
చీకటై విస్తరిస్తుంది.

విధ్వంసానికి ఏ రూపు తోడగాలి?ధ్వంస రచనే తన పనిగా మారినపుడు.
నిర్మించటం రాని చోట, కూల్చడమే ప్రధానంగా నడుస్తున్నపుడు.
ఉద్వేగానికి ఏ సిద్ధాంతం ఆపాదించాలి?
నిభాయించుకోలేని తనం
దబాయింపులతో గడుపుతున్నపుడు.

నడక ఆగిపోకూడదంటే
కాస్త వెలుతురు సంయమనమై పరుకోవాలి.కొంచెం ధైర్యం నిర్మాణమై తలెత్తాలి.
పడగెత్తిన పశుబలాన్ని
పడదొక్కె పాదం అడుగెత్తాలి.