నీలాగే ఒకడుండే వాడు ఫస్ట్ లుక్

ఎప్పటినుంచో ఎదురు చూస్తున్న నందకిషోర్ కవిత్వం ‘‘నీలాగే ఒకడుండేవాడు’’ త్వరలోనే పాఠకుల చేతుల్లోకి రాబోతోంది.

నిజంగానే ఇలాంటి వాడింకెవరన్నా వుంటాడా??
ఏమో నాకయితే అనుమానమే..

కష్టం వెంటబడితరుముతున్నపుడూ,
సుఖం మెత్తగా నిదురబుచ్చినపుడూ,
ద్వేషం నిప్పులా కాల్చుతున్నపుడూ,
ప్రేమలు పాశాలై పెనవేసుకున్నపుడూ కూడా

కవిత్వాన్ని పలవరించేవారూ,
తనే కవిత్వమై పలకరించే వారూ వుంటారా??

చూస్తే పసితనమే, కానీ ఏదో తెలియని మేధస్సు నిండుగోదారిలా ప్రవహిస్తున్నట్లుంటాడు.
ఇన్నాళ్ళూ పేస్ బుక్ లోనే బుల్ బుల్ లై బులిపించిన అక్షరాల అలలు
ముద్రితమై మనచేతుల్లోకి రాబోతున్నాయి.

అక్షరాలా అక్షరాలలో బ్రతికే వాళ్ళకి పుస్తకం ఒక నిండుపండగే కదా..

పండుగ వేడుకకు స్వాగతం ...